ترى ازعجتونا يالسعوديين بمواضيع الضرب هههههه 000 $$$ تــركــي $$$

[$$$ تــركــي $$$]

السلام عليكم ورحمة الله وبركاته


بصراحة أكتب هالموضوع وانا رحلتي والله بعد شوي وكل مواضيع المنتديات

سعودي انجلد

سعودي انضرب

سعودي رمغوووه


ههههههههههههههههههههه

ياناس قدرو اخوانكم اللي بيسافرون وبلاش تخويف




لا بجد والله العظيم شي يضحك ويفشل بنفس الوقت يعني واذا انضرب سعودي وش فيها ؟

حنا بديرتنا كل يوم ينجلد الف واحد من كل الجنسيات خصوصا الباكستاني سواق الليموزين والا مصري راعي مطعم

ولا سوري راعي ورشة ولا لبناني راعي علوم سفره <==== واضح بيروح لبنان ههههههه

لكن والله هالصحف عاجل وطقتها لقت شعب مسيكين نزل موضوع عشان ينتشر بالمنتديات وتشتهر اكثر ذالصحيفة

ياناس والله عادي عادي اذا انجلد سعودي يعني على سبيل المثال محاكيكم بينجلد هاليومين جلداً مبرحا

وش بيصير ؟؟؟؟

عادي متعود هههههههه اقسم بالله عاد اذا جينا للصراحة ان اغلب الشباب خارج المملكة على باله انه ملك ومحد قده

خصوصا اذا شاف الجنس الناعم ويسوي فيها قرينديزر وبعدها يرمغونه رمغ وتلقى الشباب السعوديين عددهم خمسة

يجيك الثاني مسوي ( رجل العنكبوت ) بيفزع ويدبغونه مع خويه والباقي انحاشوا خخخخخخخخخخخ

انا شفت بعيني ثلاث شباب خويهم يرنه افغاني واحاول افك الهوشه ما قدرت واقول للشباب افزعوا على الاقل نفك الهوشه

وربي يضحكون عليه يقولون خله مسوي طرزان مالقى الا افغاني الدلخ

هههههههههههههههههههااااااي

اقسم بالله مت من الضحك وقلت قلعته اجل

المهم يا اخوان مسالة ضرب السعودي وربي يضحكون علينا فيها وكأن السعودي منزل من السماء ولا يخطي

وكل ذاللي يدافعون عن السعوديين لو يشوف واحد مصري ولا سوري ولا اي جنسية يخطي عليه بأي ديرة

بالمملكة صدقوني بيشمر عن ذرعانه وبيدهر عاد يا دابغ يا مدبوغ مادري بصراحة

بس عن نفسي انا دايم مدبوغ لان ربعي انذال يتفرجون ويضحكون علي

خخخخخخخخ


المهم ان قريتوا سعودي انجلد تراه محاكيكم الفزعه لو بالمنتدى حسسوني انكم معي

وان شاءالله نراكم على خير نهاية الاسبوع القادم وحللونا وسامحونا



كل الود


أخوكمـ

[شقراء]

الله يستر يابو طلال شكلك مجلود مجلود في هالسفره
الله يكفيك شرها واللي افهمه من كلامك انك تولم العصابه
قبل الفلقه :d

[$$$ تــركــي $$$]

اقتباس: المشاركة الأصلية كتبت بواسطة شقراء      الله يستر يابو طلال شكلك مجلود مجلود في هالسفره الله يكفيك شرها واللي افهمه من كلامك انك تولم العصابه قبل الفلقه :d

لا بالعكس سفرتي داخليه بس من باب الدعابة بالموضوع قلت بنجلد ولا انا

حدي مكة والمدينة وان خربتها مره رحت ينبع

[الريان 2005]

بالتوفيق يابوطلال

[أوكسيجين]

ما ينمرغ إلا اللي يستاهل المرغ وأناأخوك


ولا اللي محترم نفسة ما حد قايله وين أنت رايح

(لا تبوق لا تخاف)

[المعدن الثمين]

المهم خذ معك عجراء

[شنكوتي]

لاتنسى تاخذ الوليه معك يابوطلال علشان ماتندبغ اذا رجعت


تروح وترجع لنا بالسلامه

[ديمه]

ترجع بالسلالالالالالالامه

[worgan]

أخوى نرجع بالسلامة ، وبالنسبة للجلد حاصل حاصل بس لو ودك تنجلد من البعيد مو من القريب

[الشفق]

ابو طلال تصدق بطني مغصني من موضوعك


بس مدري مدام ان السالفة فيها جلد ومجلوووووووود


لأيصير أنت تنجلد ببيرووووت والربع يجلدونا السبت والاحد


لو على قولت المثل.......... الطق باالميت حراااااااااااااااااااااام


بس هي نااااااقصة يابو طلاااااااااااااااال