مؤشرات   مؤشرات

   قوانين المشاركة  /  استعادة كلمة المرور /  طلب تنشيط العضوية  /  للإعلان لدينا  /  مركز رفع الملفات


العودة   مؤشرات > السوق السعودي > منتدى التحليل الفني



إضافة رد
 
أدوات الموضوع انواع عرض الموضوع
قديم 30-07-2015, 01:21 PM   #1
أبو رودينا
كاتب مميز
 
تاريخ التسجيل: Jan 2015
المشاركات: 1,138
آخر تواجد: 04-12-2016 05:53 PM
افتراضي كيف يمكنك باستخدام خطوط الترند ان تحدد مناطق الانعاكس

كيف يمكنك باستخدام خطوط الترند ان تحدد مناطق الانعاكس ؟؟

الجزء الاول :
تعريف الترند لاين :
قبل ان نقول ما هو الترند لاين لازم نحدد يعنى ايه خط الاول
ببساطه الخط هو ما يصل بين نقطتين ،
فى علم التحليل الفنى النقط دى نقول قمم سعريه او قيعاه سعريه
اهمية خطوط الترند تأتى مباشره من اهميه توصيل نقطتين
خلى بالك من كده كويس و انت بترسم خطوط الترند




الترند لاين بيمثل سيكولوجى السوق خصوصا بين البائعين و المشترين
بمعنى لو الترند بيميل لاعلى
يبقى المشترين هما المتحكمين فى السوق و العكس ...
و طبعاً زاويه الميل تبين اوى زخم القوه هنا .
ممكن كمان ترسم الترند لاين افقى فيعطى لك الدعم و المقاومه الافقيه
او رأسى فيعطى لك بدايه الترند زمنيا او نهايته زمنيا
يعنى من التاريخ الفلانى ابتدى الترند الصاعد و العكس .

يبقى اختصاراً...
---------------
الترند لاين يبين سيكولوجى السوق الثيران ( المشترين )
مقارنهً بالسوق الدببى ( البائعين ) –
يوضح تفاؤل او تشائم السوق –
الترند الافقى يبرز المقاومه و الدعم
و الرأسى توقيت الترند و المائل يبين الوقت و السعر .

أبو رودينا غير متواجد حالياً   رد مع اقتباس
قديم 30-07-2015, 01:27 PM   #2
أبو رودينا
كاتب مميز
 
تاريخ التسجيل: Jan 2015
المشاركات: 1,138
آخر تواجد: 04-12-2016 05:53 PM
افتراضي

الجزء الثانى :
رسم خطوط الترند :

طيب نبدأ ببساطه نتعلم نرسم الترند ...
اول شئ نرسم من ترند هابط بين قمتين عشان نحدد مقاومه




طريقه تانيه للرسم اننا نرسم ترند صاعد بين قاعين عشان نحدد الدعم





فى الشارت اللى جاى حنشوف ازاى السهم بيحترم الترند الصاعد
فى حالتنا هنا و بيرجع يختبره تانى ...





من الحاجات المفيده و الشيقه
غالباً انك تحدد الحركه الهابطه او الصاعده بترند لاين
زى اللى فى الشارت اللى فوق
و بعدين ترسم خط موازى له تانى يظهر المقاومات .



أبو رودينا غير متواجد حالياً   رد مع اقتباس
قديم 30-07-2015, 01:36 PM   #3
أبو رودينا
كاتب مميز
 
تاريخ التسجيل: Jan 2015
المشاركات: 1,138
آخر تواجد: 04-12-2016 05:53 PM
افتراضي




فى الشارت ده ...
رسمنا ترند بين نقطتين 1 و 2 و خدت خط موازى عند 3
دا يوريك ازاى خط ترند بسيط عمل مقاومات و دعوم للسهم
لما اخترقه لاعلى و ده لان خط ترند اترسم التهارده
ممكن يكون فعلا لايام و اسابيع و يمكن سنين قدام .
خطوط الترند محتمل تكون ابسط اداه فنيه
نطبقها سواء على شارتات اسهم او عملات و لازالت فعاله جداً .
كمان الخطوط المتوازيه
سواء اللى تحتوى ترند قوى او سلوك تصحيحى
عاده بتعكس مناطق مقاومات او دعوم قويه و
حنلاقى على الحدود السفليه او الخط المنتصف دعوم قويه
بينعكس منها الترند لاعلى ...
زى اللى فى الشارت اللى جاى






فى المثال اللى جاى فى حاجه بنعملها كنوع من الحيله ...
احنا بنستخدم الترندات بطريقه مختلفه
بنوصل قاعين و نعمل خط موازى
لتوقع الاختراق نلاحظ بعد كده ان الخط الموازى ده ا
ظهر دعم زى ما فى الشارت .





فى الشارت اللى جاى ده حيله تانيه بنعملها ...
بنوصل ترند بين قمتين و ناخد خط موازى لتحت
و كمان خط موازى لتحت
لتوقع الدعوم اللى ممكن تحصل ...
شوف الارتداد حصل منين ...




أبو رودينا غير متواجد حالياً   رد مع اقتباس
قديم 30-07-2015, 01:49 PM   #4
أبو رودينا
كاتب مميز
 
تاريخ التسجيل: Jan 2015
المشاركات: 1,138
آخر تواجد: 04-12-2016 05:53 PM
افتراضي

كل اللى رسمناه فوق كان يا اما ترند لاين من قمه لقمه او من قاع لقاع

لكن مش دى الطريقه الوحيده لرسم خط الترند
فالرسم اللى جاى حتلاقي الرسم من قيعان صغيره
فى الاول و بعدين فى احداث لاحقه .





الطريقه الاخرى لرسم الترند احنا اتعرضنالها فى الشارت اللى قبل ده
و هى اننا نرسم من قمه لقمه
ثم ناخد خط موازى لاسفل لتحديد قيعان
ربما تظهر دعم مستقبلا
و ايضاً لاعلى لابراز مقاومات قد تبرز قمم مستقبلاً





احنا وضحنا ازاى نرسم الترند لاين من الاقصى للاقصى
يعنى من قمه لقمه او من قاع لقاع ...
فى الشارت اللى جاى حنرسم اثنين ترند لاين
من قمتين مهمين الى قاعين مهمين .
من الوهله الاولى الترند المبدئى دا تشعر انه غير مهم
للمضاربين او للمحللين الفنيين ولا يعطى
معلومات كتيره لكن على الرغم من كده
انك لو رسمت ترند من قمه مهمه الى قاع مهم
او العكس بالعكس
و اخذت خط موازى له محتمل تكتشف ان الترند ممكن يتكسر او يستمر .





أبو رودينا غير متواجد حالياً   رد مع اقتباس
قديم 30-07-2015, 01:51 PM   #5
أبو وائل
كاتب مميز
 
تاريخ التسجيل: May 2015
المشاركات: 1,728
آخر تواجد: 05-12-2016 05:24 PM

الأوسمة

افتراضي

تسلم يدينك يامعلم

وفقك الله

أبو وائل غير متواجد حالياً   رد مع اقتباس
قديم 30-07-2015, 02:02 PM   #6
أبو رودينا
كاتب مميز
 
تاريخ التسجيل: Jan 2015
المشاركات: 1,138
آخر تواجد: 04-12-2016 05:53 PM
افتراضي

على سبيل المثال
هنرسم ترند لاين من قاع مهم الى قمه مهمه
و هناخد خط موازى لاقل حركه كانت فى تتابع حركه السعر داخل الترند ده
اصبح الترند الجديد ( الخط الجديد ) محدد لنهايه الترند الصاعد
اللى كان موجود قبل كده و بمجرد الاغلاق اسفله بدأ الترند الهابط .





على نفس الشارت تعالى نشوف كده نعمل العكس ى نشوف حيحصل ايه ...





طيب الكلمتين اللى حنقولهم دلوقتى مهمين شويه ...
امته نقول ان الترند لاين اتكسر ؟
بعض الناس تقول ان الكسر يتم لو اغلق اسفل او اعلى الترند لاين
حسب نوع الترند صاعد او هابط ...
انا افضل انك تشوف ان الحركه بدأت تبعد عن الترند قبل ما تقول الكسر تم
يعنى لو الترند اللى احنا رسمناه من قاع مهم لقمه مهمه
زى ما شوفنا فوق و خدنا الموازى ليه
و بدأ السهم ينزل
انا افضل ان هاى الشمعه يكون اسفل الترند عشان اتأكد من الكسر ...
و العكس بالعكس .
عشان نبسط الموضوع شويه بصوا على الشارتين دول كدا .







يبقى نقدر نقول تانى ان لما هاى الشمعه يبعد عن الترند
دا علامه على نهاية الترند القديم و بدايه ترند معاكس .
أبو رودينا غير متواجد حالياً   رد مع اقتباس
قديم 30-07-2015, 02:11 PM   #7
أبو رودينا
كاتب مميز
 
تاريخ التسجيل: Jan 2015
المشاركات: 1,138
آخر تواجد: 04-12-2016 05:53 PM
افتراضي

دلوقتى بقه حنتعلم ازاى نرسم مروحه الترندات الثلاثيه ...

دا تكنيك قديم شويه ...
هى عباره عن انك تاخد نقطه مرجعيه و تاخد خطوط ل 3 نقط متتاليه ...
لما السعر يكسر الخط الثالث
دى تبقى علامه مهمه جداً لحركه سعريه مهمه جداً فى الطريق .




زى ما احنا شايفين احنا اخترنا نقطه قمه
و رسمنا منها 3 ترندات ل 3 هايات صغيره بعدها ...
نلاحظ ازاى انه بمجرد ما السعر فارق الترند الثالث
حصل رالى هايل من 4.58 الى 7.60
و طبعاً زى ما اتفقنا
بمجرد اننا لاحظنا ان هاى الشمعه فارق الترند
يبقى علامه على تغيير الاتجاه
و احنا عرفنا اننا كده متوقعين حركه سعريه صاعده .
نلاحظ كمان ملاحظه مهمه على نفس الشارت
انى لو مديت خط الترند الثالث حيوفر منطقه دعم قويه مستقبلاً




مثال اخر



أبو رودينا غير متواجد حالياً   رد مع اقتباس
قديم 30-07-2015, 02:14 PM   #8
أبو رودينا
كاتب مميز
 
تاريخ التسجيل: Jan 2015
المشاركات: 1,138
آخر تواجد: 04-12-2016 05:53 PM
افتراضي

نلخص اللى فات ...

- خطوط الترند من اقوى ادوات التحليل الفنى الموجود .

- ابسط طريقه لرسم خطوط الترند ان تصل بين نقيضين ( هاى و لو يعنى ) .


- كسور خطوط الترند تظهر لما تتكون هايات جديده
او لوهات جديده اعلى او اسفل خطوط الترند.

- خطوط مروحة الترند الثلاثيه لها نقطه مرجعيه
و 3 نقط متتابعه
نصل خطوط ترند من النقطه المرجعيه لل 3 نقط المتتابعه دى .


- السعر يكسر خط الترند الثالث للمروحه الثلايه مبرزاً حركه سعريه مهمه قادمه .

- ردود الافعال ممكن تظهر عاده قرب الترند لاين او عليه
( زى ظهور مناطق دعوم او مقاومات مستقبليه احترمت الترند لاين ده ) .
أبو رودينا غير متواجد حالياً   رد مع اقتباس
قديم 30-07-2015, 02:22 PM   #9
hamd12
عضو مشارك
 
تاريخ التسجيل: May 2012
المشاركات: 92
آخر تواجد: 01-04-2016 04:50 PM
افتراضي

مدرسة الله يحفظك

hamd12 غير متواجد حالياً   رد مع اقتباس
قديم 30-07-2015, 02:28 PM   #10
أبو رودينا
كاتب مميز
 
تاريخ التسجيل: Jan 2015
المشاركات: 1,138
آخر تواجد: 04-12-2016 05:53 PM
افتراضي

الجزء الثالث :
اساليب المتاجره بخطوط الترند :

خطوط الترند ليها اساليب كتيره حنختار اتنين منهم هنا ...
جاب اعلى خط الترند او اسفله
واحده من افضل اساليب المتاجره اللى ممكن يقدمها الترند لاين .

فى الشارت اللى جاى رسمنا ترند لاين بين قاعين ...
فى جاب اسفل خط الترند بالظبط بس مش واضحه قوى لانها 23 قرش ...
انظر للسهم الاحمر

... دا اسلوب متاجره جيد و يعتمد عليه



كل ما تشوف جاب تحت خط الترند لازم تبيع
و يكون اعاده دخولك اعلى الباره السابقه عن الجاب و لو بقرش واحد فقط ...
طبعاً بره فى الدول اللى عندها شورت سيلينج
بيبيع و يبقى وقف خسارته هو اعاده دخوله .



فى الشكل التالى ...
لانه لا يوجد جاب اعلى من خط الترند فانه لا يوجد فرصه جيده لدخول التريده




فى الشكل التالى

الترند التانى اللى رسمناه ده خلق جاب فوقه
و ده ينبهنى للدخول
شارى فى التريده اللى قدامى
بنحط اوردر دخول اعلى هاى شمعه الجاب
و يكون الاستوب لوز بتاعى لو الشمعه اللى قبل الجاب



مثال تانى معكوس

... بحط امر البيع فين ...
بحطه تحت لو الشمعه اللى بعد الجاب زى ما هو مبين على الشارت التالى




فى الشارت ده نفس الفكره ترند و جاب
و الدخول اعلى هاى الشمعه اللى بعد الجاب
و الاستوب لو الشمعه اللى قبل الجاب برضه ...




أبو رودينا غير متواجد حالياً   رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة

كود [IMG] متاحة
كود HTML معطلة
الانتقال السريع

 

منتدى الاسهم السعودية

منتدى التحليل المالي والاساسي

منتدى العملات

منتدى التحليل الفني

منتدى تعليم موجات إليوت

منتدى المشاريع الاستثمارية

منتدى العقار

منتدى الاسهم الخليجية والعالمية

 

   
 

الساعة الآن 07:34 PM بتوقيت مكة المكرمة


Powered by vBulletin® Version 3.8.5
Copyright ©2000 - 2016, Jelsoft Enterprises Ltd.
جميع الحقوق محفوظة لدى مؤشرات


web site counter